Chalo sahil pe ja kar apni palkon se.

Chalo sahil pe ja kar apni palkon se.

Sunehri jaal bunte hen.

Samandr min utar kar, sipiyon se.

Kuch sureele taal bunte hen.

Chalo ab ungliyon ki naram poron se.

Zara khushbu ko chunte hen.

Zara hum dard ko chhute hen is ki bat sunte hen.

Chalo sahil pe ja k.

Gulabon ki kunwari patiyon par shabnami moti.

Chamak uthte hen lehze ko.

Magr phir bujh bhi jate hen.

K dasht-e-arzu ki ret ankhon min khatakti he.

Ropehli chaand ki kirnon ko.

Muthi bhench band kar k.

Hawaon se bhi saton sur churate hen.

Chalo miti ka ik chota sa donon ghar banate hen.

Ghari bhar ko sahi par khul k donon muskurate hen.

Jo likhe ja chuke hen pathron par, khushk patton par.

Wo mah-o-sal ginte hen.

Chalo sahil pe ja k reshmi palkon se.

Apnay Hathoun Ki Lakeeroun Main Saja lay Mujhko

Apnay Hathoun Ki Lakeeroun Main Saja lay Mujhko
Main Houn Tera To Naseeb Apna Bana lay Mujhko

Main Jo Kaanta Houn To Chal Mujh Say Bacha Kar Daaman
Main Houn Gar Phool To Joaray Main Saja lay Mujhko

Main Khulay Dar K Kisi Ghar Ka Houn Saamaan Pyaray
To Dabay Paoun Kabhi Aa k Chura Lay Mujhko

Tark-e-Ulfat Ki Qasam bhi Koi Hoti Hay Qasam
To Kabhi Yaad To Kar Bhoolnay Walay Mujhko

Mujhsay To Poochnay Aaya Hay Wafa K Maani
Yeh Teri Saada Dili Maar Nah Daalay Mujhko

Main Samundar Bhi Houn Moti Bhi Houn Ghota zan Bhi
Koi Bhi Naam Mera Lay k Bula Lay Mujhko

To Nay Daikha Nahein Aainay Say Aagay Kuch Bhi
Khud Parasti Main Kahein To Nah Ganwa lay Mujhko

Kal Ki Baat Aur Hay Main Ab Sa Rahoun Yah Nah Rahoun
Jitna Ji Chahay Tera, Aaj Sataa lay Mujhko

Khud Ko Main Baant Nah Daaloun Kahein Daaman Daaman
Kar Diya Tonay Agar Mere Hawaalay Mujhko

Baada Phir Baada Hay Main Zehar Bhi P Jaoun Qateel
Shart Yeh Hay Koi Baanhoun Main Sambhalay Mujhko