Aankh Ne Raat Jb Ek Chand Mukamal Dekha

Aankh Ne Raat Jb Ek Chand Mukamal Dekha
Phir Samandr Ko B Hote Howe Pagal Dekha

Raat Bhar Dair Talak Ki Teri Baatein Khud Se
Raat Bhar Samny Chehra Tera Pal Pal Dekha

Aj Yadon Ki Ghataa Toot K Barsi Dil Pe
Aj Hm Ne B Barasta Howa Badal Dekha

Hafza Cheen Liya Hum Se Gham-e-Dunya Ne,
Aaj Hum Bhool Gaye Usko Jise Kal Dekha,

Ek chehra jo Bohat Hansta rha krta tha
Aaj Uski Aankhon Se B Behta hua Kajal Dekha.

tum Kya jano sazayein kya hoti hain?

tum Kya jano sazayein kya hoti hain?

Tumhrae liye to faqat ye ik lafz hai
Tum kya jano Sazayein kya hoti hain?

Dil ko Chutkiyo se koi masalta ho jese
Rooh ko tumhari..apne qadmo tale rondta ho jese
Khawabo ko reza reza karta ho jese
Tum kya jano sazayein kya hoti hain?

Koi shararti bacha tumhra khilona tor de jese
Koi Ajnabi tumhara khilona tor de jese
Koi Mehrban yak dam Namehrban ho jaye jese
Koi chat b tumhare sir per na rahe jese
Koi khawab b tumhari neend mei na ubhre jese
Koi jazba b dil mei na jagah pa sake jese
Tum kya kya jano Sazeyein kya hoti hain

Qaid mei Koi parinda sir takrata ho jese
Bulbul koi andhere se ghabrata ho jese
Bacha koi apni Maa se bichar jata ho jese
Doodh ka bhaara fider gir kar toot jata ho jese
Tum kya jano sazeyin kya hoti hain??

Rooh ko khushk pato ki manid urra de
Wo sard hawayein kya hoti hain
tum kya jano Sazyein kya hoti hain??

Bas ik qadam agar us din badha liya hota,

Bas ik qadam agar us din badha liya hota,
To dar haqiqat tujhe apna bana liya hota.

Sunaun hal-e dil tumko ye ab kahan mumkin,
Ai kash hal-e dil us din suna liya hota.

Usi din se mein teri rehguzar mein baitha hun,
Kabhi mehmil ka tune parda utha liya hota.

Jo hota hota, magar dil ki mutma’ini ko,
Use ik baar seene se laga liya hota.

Na khulta raz kabhi tum pe hamare ashkon ka,
Hasi ki aad mein jo hamne chhupa liya hota.

Wo badguman tha, sachchaiyan batate use,
Agar wo rootha tha, usko mana liya hota.

Koi ghazal, koi bhi she’r na ho pata mukammil,
Jo dil ka dard, dil hi mein chhupa liya hota.

Wo jood-bakhsh hai ‘Sagar’, ummeedwaron mein,
Nam tu ne bhi apna likha liya hota.

Bahut din se tumhein mein ye batana chahta hun,

Bahut din se tumhein mein ye batana chahta hun,
Kisi surat tumhein apna banana chahta hun.

Judai ki siyah raaton mein tum jagi ho ab tak,
Tumhein pehlu mein apne ab sulana chahta hun.

Wo jis ko sun ke ho jaye harek dil ko masarrat,
Mein koi geet aisa gungunana chahta hun.

Agar tu chand hai to sun le mein bhi tere sang-sang,
Sitaron ki tarah se jagmagana chahta hun.

Hawa mein teer jitne bhi chalane hon chalao,
Mein zad mein ho koi aisa nishana chahta hun.

Sadaqat ho to phir bejan patthar bolta hai,
Aqide ka asar tumko dikhana chahta hun.

Bahut mumkin hai ke ho jaye meri aa’inadari,
Mein apne aap ko ‘rooh’ se milana chahta hun.

Zamana har tarah se mujhko gar aazma chuka hai,
Mein ‘Sagar’ aap khud ko aazmana chahta hun.

Ajab ye mojiza hai, kya tumhein ehsas hota hai?

Ajab ye mojiza hai, kya tumhein ehsas hota hai?
Jahan bhi jaun dil mera tumhare pas hota hai.

Bahut se log milte hain, safar mein, zindagani mein,
Magar bas ek hota hai, jo khas-m-khas hota hai.

Agarche bat bhi na ho, magar jab tak nahin dekhun,
Nazar bechain hoti hai, ye dil udas hota hai.

Mein jab chalta hun tumse door, keh kar ‘Alvida Janan’,
To phir har gam pe hamrah, hujum-e yas hota hai.

Zamane par ayan karte nahin majbooriyan apni,
Wo khud mohtat rehte hain, mujhe bhi pas hota hai.

Jo kehna chahta tha mein, suna usko nahi hargiz,
To ab mein wo hi kehta hun, jo tumko ras hota hai.

Hai fitrat uski ai ‘Sagar’, jigar ko cheer dene ki,
Magar ham sath rakhte hain, ke jo almas hota hai.