Heal you

Let it heal you. Lay beside a man who’s hands you trust.

Advertisements

You….

Sometimes HOME isn’t four walls…

Sometimes it’s two eyes and a heartbeat….

Barish Thi, Hum Thay, Aur Ghani Ho Rahi Thi Shaam

Barish Thi, Hum Thay, Aur Ghani Ho Rahi Thi Shaam
Tum Ne Liya Tha Kaanptey Honton Se Mera Naam

Mein Ne Kaha Tha, Aao Yun He Bheegtay Chalein
In Raston Mein Dair Talak Ghoomtey Rahein

Meri Kamar Pay Hath Yeh Phoolon Sa Daal Kar
Kaandhay Pay Mere Rakhay Raho Yun He Apna Sir

Hathon Ko Mein Kabhi , Kabhi Balon Ko Choom Loon
Dekho Meri Taraf Tou Mein Aankhon Ko Choom Loon

Pani K Yeh Jo Phool Hein Rukh Par Khilay Huey
In Mein Dhanak K Rung Hein Sarey Ghulay Huey

Honton Se In Ko Chuntey Rahein Khush Dili K Sath
Taray Hame Talash Karen Chaandni K Sath

Yun He Kisi Darkht K Neechay Kharay Rahein
Barish K Dair Baad Bhi Liptay Kharay Rahein

Tum Ne Kaha Tha Aao Chalein Raat Aagaie
Dil Jis Se Dar Raha Tha , Wohi Baat Aagaie

Beetay Samay Ki Yaad He Rastay Mein Reh Na Jaey
Yeh Dil Kaheen Visaal Ki Barish Mein Beh Na Jaey

Kuch Dair Aik Chup Si Rahi Darmiyan Mein
Girhein Si Jese Parney Lagi Hon Zuban Mein

Yakdum Gira Tha Phool Koi Shakhsaar Say
Dekha Tha Tum Ne Meri Taraf Iztaraar Say

Barish Mein Bheegtay Huey Jhonkay Hawa K Thay
Woh Chund Be-Gumaan Se Lamhe, Bala K Thay

Nasha Sa Ik Chaaron Taraf Phailta Gaya
Phir Usk Baad Mein Ne Tumeh Kuch Nahi Kaha..